ihaŋble

Lakȟól Wičhóȟ’aŋ: Wóitȟaŋčhaŋ I:

 

Ikčé wičháša tókhel wóitȟaŋčhaŋ wičhák’upi čháŋna wówahokuŋkhiye kiŋ toháŋl tuwé waŋ itȟáŋčhaŋ kaȟníǧapi čháŋna oyáte tȟáwa kta čha kaȟníǧapi čháŋna hé léčhel wóopȟe kíčaǧapi.

 

Okášpe Waŋží: Tȟokáheya léčhel:

 

“Hó, taŋyáŋ anáǧoptaŋ yo. Oyáte waŋ lél wičhóthi kiŋ lená nitȟáwa kte, na tókhel ehé kiŋ, nihó kiŋ hé anáǧoptaŋpi kte ló. Čha taŋyáŋ wíyukčaŋ yo. Na wačhíŋnitȟaŋka kiŋ hé uŋ wičhášayatapika óyapȟa kte ló. Eháŋni nitȟúŋkašila heyápe ló:

 

“Šúŋka wapȟápȟa óta kte ló. Na uŋgná šúŋka waŋží wihúta aníčiležiŋ kte ló, tkȟá hená él éyatuŋwiŋ kte šni yeló. Na uŋgná nitákuye waŋží nikhíyela apá-gliȟpáye ešá él éyatuŋwe kiló. Na uŋkčéla óta yeló, čha okógna oyáte ób mayáni kte. Tkȟá wačhíŋksapa yo.

 

“Hó, lená osútaya yuhá yo, na éktuŋže šni yo. Nitȟá akíčhita kiŋ uŋgná wičháyagnaye kiló, hená awáŋniyaŋkapi na nitȟá oyáte ób. Hó héčhetu, lená nitȟúŋkašila yuhá oyáte kaȟ-áupe ló. Tkȟá tuwá čhaŋlwáŋkȟa čha lená él étuŋwaŋ čhaŋ našlúte ló.”