Išná Wičhá lé oyáke (Okášpé Núŋpa) Héčhel wanáse kiŋ pahá kiŋ toháŋyaŋ yeyé kiŋ heháŋyaŋ ipáȟlalya áye, na kákhel énapȟe kiŋ héčhena pteóptaye waŋ opáwiŋǧe wahéčhetu čha átaya khúlkhul ȟpáyapi tkȟá wáŋčag wičhákhuwapi na áta waŋná wičháopi na wičhápȟatapi. Héčhel míš núm wičháwao na wawápȟate. Eháŋl wičháša waŋ éyapaha aú na, “Ptepȟá waŋžíni éna iȟpéyapi šni, éeye iyúha aglá po,” eyé. Na waná waglúštaŋ na waglé. Héčhel iyúha tókhel iglúštaŋpi, héčhel ukíyiŋ na líla oíyokiphi.