Aŋpétu Iyóhila Lakȟólʼiyapi kiŋ Wéč’uŋ


Amanda Carlow lé owá

Pȟeží Tȟó Wí Tȟokáhe, 2019

Aŋpétu iyóhila Lakȟólʼiyapi kiŋ wéč’uŋ. Wóglag wačháŋmi s’a. Lakȟólʼiya tȟabškátapi uŋspéwičawakhiye kiŋ uŋ uŋspé amáye.

Wathí ektá mičhíŋča ób Lakȟótiya wóuŋglakapi. Lakȟótiya táku ke éyaš iwówaglake. Héčhel gluhá mawáni.

Toháŋl tȟabškátapi waŋyáŋg maŋká čháŋšna “napé” epȟé s’a. Naȟmá iwáȟatʼe éyaš thewáȟila.

Tȟabškátapi kiŋ lé thiyópa óta míčiyugan. Waŋná tȟabškátapi uŋ wawówakiyiŋ na nakúŋ Lakȟólʼiyapi kiŋ wéč’uŋ wačhíŋ.

Héčhel Lakȟól'iyapi kiŋ aíčhimawani ye.


"Lakȟól wičhóȟ’aŋ uŋ Lakȟóta wakȟáŋyeža na théča na thiwáhe kiŋ wíyokihiwičhúŋyaŋpi na héčhel wičhóthi ečhékčhe oyáte kiŋ wičhózani na wówaš’ake yuhá mánipi kte, na Lakȟól oúŋyaŋpi na Lakȟól wóčhekiye na Lakȟól’iyápi kiŋ slolkíyapi kte."

 

Matthew Rama: mrama@thundervalley.org,

Peter Hill: peter@thundervalley.org

Cherella Hughes: cherella@thundervalley.org