Lakȟól'iya Tȟabškátapi Uŋspéwičhawakhiye

Amanda Carlow lé owá

Čhaŋnápȟopa Wí Iwíkčemna núm sáŋm šákpe, 2019

Leháŋl Maȟpíya Lúta Owáyawa wóali záptaŋ wayáwa wičhíŋčala kiŋ tȟabškátapi éuŋkihuŋnipi. Akíčhiyapi kiŋ iyúha ohíuŋyaŋpi. Iyúha oíyokiphi yuhápi. Wičhíŋčala kiŋ waúŋspepi. Wičhíŋčala kiŋ iglúwaštepi waŋwíčhablake. Wičhíŋčala eyá ób akíčhiyapi kiŋ awíčhablezapi ektá wačhíŋgnunipi, Lakȟótiyapi čha. Wičhíŋčala kiŋ ptáyela Lakȟól’iyapi s’a. Ptáyela Lakȟól’iyapi kiŋ hé héčhetu.

Hékta wówawa uŋ héhaŋ, táku lená eyášna Lakȟól’iya epȟé eyáš éwaktuŋže:

ówaŋžila

khiwítayapi

Taŋyáŋ ečhánuŋpi

Watóhaŋl šna ókuŋwaŋžila Lakȟótiya wóglakapi kiŋ hé oéčhuŋ šíče. Éyaš takómni tȟokátakiya tókhel okíhika héčhena ečhámuŋ kte, oškáte thípi él, na nakúŋ tuktétu k’éyaš. Héčhel Lakȟól'yapi kiŋ aíčhimawani ye.


"Lakȟól wičhóȟ’aŋ uŋ Lakȟóta wakȟáŋyeža na théča na thiwáhe kiŋ wíyokihiwičhúŋyaŋpi na héčhel wičhóthi ečhékčhe oyáte kiŋ wičhózani na wówaš’ake yuhá mánipi kte, na Lakȟól oúŋyaŋpi na Lakȟól wóčhekiye na Lakȟól’iyápi kiŋ slolkíyapi kte."

 

Matthew Rama: mrama@thundervalley.org,

Peter Hill: peter@thundervalley.org

Cherella Hughes: cherella@thundervalley.org