Lakȟól’iya Tȟabškátapi Uŋspéwičhawakhiye


Amanda Carlow lé owá

Čhaŋnápȟopa Wí Ičítopa, 2019

Maȟpíya Lúta Owáyawa ektá, wóali záptaŋ wayáwa wičhíŋčala kiŋ tȟabškátapi uŋspéwičhawakhiye. Tȟabškáta wičhíŋčala kiŋ šakówiŋpila. Ptáyela Lakȟól’iyapi kiŋ uŋspéuŋkič’ičhiyapi. Lakȟól’iyapi kiŋ waštéwalake. Anámaǧoptaŋpi na omákaȟniǧapi čháŋna čhaŋtíyomakiphi. Táku lená eyášna Lakȟól’iya epȟé:

awáŋyaŋkA íŋyaŋkA waŋyáŋkA

kapsípsičA

napé yuǧátA

naslóhAŋ

khuté

akhé

yuȟpÁ

ičázopi

išnála khuté

oblótȟuŋ

iglúwiŋyeya waŋží tópa thimá

škáŋ

škíŋčiyA

Maȟpíya Lúta

Záptaŋ mak’ú we

Wóškate wóečhuŋ kiŋ iyúha Lakȟól’iya uŋkéyapi. Waŋží iyótaŋ epȟé s’a kiŋ hé; “Napé yuǧátA” eyápi. Wičhíŋčala kiŋ íŋš “Záptaŋ mak’ú we” eyápi s’a. Tóškhe Lakȟótiya “triple threat” eyápi kiŋ slolwáye šni čha ée “Iglúwiŋyeya pe!” epȟé.

Tȟabškál uŋspéwičhawakhiye kiŋ ičhúŋhaŋ mawáni na šna ináwažiŋ.

Tȟokátakiya héčhena Lakȟól’iya waúŋspewičhawakhiyiŋ kte kiŋ hé líla iblúškiŋ. Héčhel Lakȟól’iyapi kiŋ aíčhimawani ye.


"Lakȟól wičhóȟ’aŋ uŋ Lakȟóta wakȟáŋyeža na théča na thiwáhe kiŋ wíyokihiwičhúŋyaŋpi na héčhel wičhóthi ečhékčhe oyáte kiŋ wičhózani na wówaš’ake yuhá mánipi kte, na Lakȟól oúŋyaŋpi na Lakȟól wóčhekiye na Lakȟól’iyápi kiŋ slolkíyapi kte."

 

Matthew Rama: mrama@thundervalley.org,

Peter Hill: peter@thundervalley.org

Cherella Hughes: cherella@thundervalley.org